Meerut Horror: Wife Damini Plots Husband Atul Panwar's Murder Using Poisonous Snake
Meerut Wife Kills Husband: ਇਸ ਦੇਸ਼ ਵਿੱਚ ਕਲਯੁਗੀ ਪਤਨੀਆਂ ਮੌਤ ਬਣ ਕੇ ਤਾਂਡਵ ਮਚਾ ਰਹੀਆਂ ਹਨ। ਲਗਾਤਾਰ ਪਤੀ ਮਾਰੇ ਜਾ ਰਹੇ ਹਨ। ਹੁਣ ਇੱਕ ਹੋਰ ਪਤੀ ਦਾ ਕਤਲ ਕਰ ਦਿੱਤਾ ਗਿਆ ਹੈ। ਪਤਨੀ ਨੇ ਜਿਸ ਤਰੀਕੇ ਨਾਲ ਪਤੀ ਦੇ ਕਤਲ ਦੀ ਪਲਾਨਿੰਗ ਕੀਤੀ, ਉਸ ਨੂੰ ਜਾਣ ਕੇ ਤੁਹਾਡੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਜਾਵੇਗੀ। ਅਸਲ ਵਿੱਚ ਮਾਮਲਾ ਉੱਤਰ ਪ੍ਰਦੇਸ਼ ਦੇ ਮੇਰਠ ਜ਼ਿਲ੍ਹੇ ਦਾ ਹੈ, ਜਿੱਥੇ ਇੱਕ ਪਤਨੀ ਨੇ ਜ਼ਹਿਰੀਲੇ ਸੱਪ ਤੋਂ ਕਟਵਾ ਕੇ ਆਪਣੇ ਪਤੀ ਦਾ ਕਤਲ ਕਰ ਦਿੱਤਾ। ਪ੍ਰੇਮ-ਪ੍ਰਸੰਗ ਦੇ ਚੱਕਰ ਵਿੱਚ ਪਤਨੀ ਨੇ ਇਸ ਖ਼ੌਫ਼ਨਾਕ ਘਟਨਾ ਨੂੰ ਅੰਜਾਮ ਦਿੱਤਾ। ਹਾਲਾਂਕਿ ਉਸ ਦਾ ਗੁਨਾਹ ਛੁਪ ਨਹੀਂ ਸਕਿਆ ਅਤੇ ਪੁਲਿਸ ਨੇ ਸਾਰੀ ਸੱਚਾਈ ਸਾਹਮਣੇ ਲਿਆ ਦਿੱਤੀ। ਮੁਲਜ਼ਮ ਪਤਨੀ ਦੀ ਪਛਾਣ ਦਾਮਿਨੀ ਅਤੇ ਮ੍ਰਿਤਕ ਪਤੀ ਦੀ ਪਛਾਣ ਅਤੁਲ ਪੰਵਾਰ ਵਜੋਂ ਹੋਈ ਹੈ।
ਪਤਨੀ ਨੇ ਪਤੀ ਨੂੰ ਮਾਰ ਕੇ ਬਾਥਰੂਮ ਦੇ ਫ਼ਰਸ਼ ਹੇਠਾਂ ਦਫ਼ਨਾਇਆ; 45 ਦਿਨਾਂ ਤੱਕ ਗੁੰਮਸ਼ੁਦਾ ਹੋਣ ਦਾ ਨਾਟਕ ਕਰਦੀ ਰਹੀ, ਰਾਜ਼ ਖੁੱਲ੍ਹਿਆ ਤਾਂ ਪੁਲਿਸ ਦੇ ਵੀ ਹੋਸ਼ ਉੱਡ ਗਏ
ਪੁਲਿਸ ਨੇ ਪਤਨੀ ਸਮੇਤ 4 ਲੋਕਾਂ ਨੂੰ ਕੀਤਾ ਗ੍ਰਿਫ਼ਤਾਰ ਹੈਰਾਨ ਕਰਨ ਵਾਲਾ ਇਹ ਪੂਰਾ ਮਾਮਲਾ ਮੇਰਠ ਦੇ ਹਸਤੀਨਾਪੁਰ ਇਲਾਕੇ ਦਾ ਹੈ। ਪੁਲਿਸ ਨੇ ਜਾਂਚ ਅਤੇ ਕਾਰਵਾਈ ਕਰਦੇ ਹੋਏ ਮੁਲਜ਼ਮ ਪਤਨੀ ਦਾਮਿਨੀ ਸਮੇਤ ਕੁੱਲ 4 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਦਾਮਿਨੀ ਤੋਂ ਇਲਾਵਾ ਜਿਨ੍ਹਾਂ ਦੀ ਗ੍ਰਿਫ਼ਤਾਰੀ ਕੀਤੀ ਗਈ ਹੈ, ਉਨ੍ਹਾਂ ਵਿੱਚ ਤੁਸ਼ਾਰ ਨਾਮ ਦਾ ਦਾਮਿਨੀ ਦਾ ਇੱਕ ਪ੍ਰੇਮੀ ਅਤੇ ਇਸ ਤੋਂ ਇਲਾਵਾ 2 ਨੌਜਵਾਨ ਸੋਨੂ ਅਤੇ ਉਦੈ ਸ਼ਾਮਲ ਹਨ, ਜਿਨ੍ਹਾਂ ਤੋਂ ਤੁਸ਼ਾਰ ਨੇ ਸੱਪ ਖ਼ਰੀਦਿਆ ਅਤੇ ਦਾਮਿਨੀ ਨੂੰ ਦਿੱਤਾ। ਪੁਲਿਸ ਹੁਣ ਇਸ ਮਾਮਲੇ ਵਿੱਚ ਅਗਲੇਰੀ ਕਾਰਵਾਈ ਨੂੰ ਅੰਜਾਮ ਦੇ ਰਹੀ ਹੈ। ਯਾਦ ਰਹੇ ਕਿ ਮੇਰਠ ਵਿੱਚ ਸਾਲ ਭਰ ਦੇ ਅੰਦਰ ਇਹ ਅਜਿਹੀ ਦੂਜੀ ਵਾਰਦਾਤ ਹੋਈ ਹੈ। ਇਸ ਤੋਂ ਪਹਿਲਾਂ ਅਪ੍ਰੈਲ 2025 ਵਿੱਚ ਵੀ ਮੇਰਠ ਵਿੱਚ ਅਜਿਹਾ ਹੀ ਕਾਂਡ ਹੋਇਆ ਸੀ, ਜਦੋਂ ਰਵੀਤਾ ਨਾਮਕ ਇੱਕ ਔਰਤ ਨੇ ਪ੍ਰੇਮੀ ਨਾਲ ਮਿਲ ਕੇ ਪਤੀ ਨੂੰ ਸੱਪ ਤੋਂ ਡਸਵਾ ਕੇ ਕਤਲ ਕਰ ਦਿੱਤਾ ਸੀ।
ਬੁਆਏਫ੍ਰੈਂਡ ਸੰਗ ਪਤੀ ਦਾ ਗਲਾ ਘੁੱਟਿਆ, ਫਿਰ ਸੱਪ ਨੂੰ ਬਣਾ ਦਿੱਤਾ 'ਕਾਤਲ'; ਜ਼ਹਿਰੀਲੇ ਵਾਈਪਰ ਨੇ ਲਾਸ਼ ਨੂੰ 10 ਵਾਰ ਡੱਸਿਆ, ਪਤਨੀ ਦੀ ਕਤਲ ਸਕ੍ਰਿਪਟ ਨੇ ਹਿਲਾ ਦਿੱਤਾ
ਦਾਮਿਨੀ ਅਤੇ ਅਤੁਲ ਮਿਲ ਕੇ ਇੱਕ ਸਕੂਲ ਚਲਾਉਂਦੇ ਸਨ ਮੇਰਠ ਦੇ SSP ਨੇ ਵੀ ਇਸ ਗੰਭੀਰ ਮਾਮਲੇ ਨੂੰ ਲੈ ਕੇ ਅਧਿਕਾਰਤ ਬਿਆਨ ਜਾਰੀ ਕੀਤਾ ਹੈ। ਐੱਸਐੱਸਪੀ ਨੇ ਜਾਣਕਾਰੀ ਦਿੱਤੀ ਕਿ ਅਤੁਲ ਅਤੇ ਦਾਮਿਨੀ ਨੇ 2019 ਵਿੱਚ ਪ੍ਰੇਮ ਵਿਆਹ ਕੀਤਾ ਸੀ ਅਤੇ ਇਹ ਦੋਵੇਂ ਮਿਲ ਕੇ ਇੱਕ ਸਕੂਲ ਚਲਾਉਂਦੇ ਸਨ। ਦਾਮਿਨੀ ਦੀ ਡਰਾਈਵਰ ਤੁਸ਼ਾਰ ਨਾਲ ਲਗਾਤਾਰ ਗੱਲ ਹੁੰਦੀ ਸੀ। ਦੋਵਾਂ ਵਿਚਾਲੇ ਪ੍ਰੇਮ ਪ੍ਰਸੰਗ ਚੱਲ ਰਿਹਾ ਸੀ। ਮਾਮਲਾ ਸ਼ੱਕੀ ਲੱਗਣ 'ਤੇ ਜਦੋਂ ਜਾਂਚ ਕੀਤੀ ਗਈ ਤਾਂ ਦਾਮਿਨੀ ਅਤੇ ਤੁਸ਼ਾਰ ਦੇ ਅਫੇਅਰ ਦੀ ਗੱਲ ਪਤਾ ਚੱਲੀ। ਜਿਸ ਤੋਂ ਬਾਅਦ ਤੁਸ਼ਾਰ ਦੇ ਮੋਬਾਈਲ ਦੀ ਜਾਂਚ ਅਤੇ ਉਸ ਤੋਂ ਪੁੱਛਗਿੱਛ 'ਤੇ ਉਸ ਨੇ ਦੱਸਿਆ ਕਿ ਦੋ ਸਪੇਰਿਆਂ ਨਾਲ ਮਿਲ ਕੇ ਉਸ ਨੇ ਸੱਪ ਖ਼ਰੀਦਿਆ ਸੀ ਅਤੇ ਦਾਮਿਨੀ ਨੂੰ ਦਿੱਤਾ ਸੀ ਤਾਂ ਜੋ ਉਹ ਪਲਾਨਿੰਗ ਦੇ ਤਹਿਤ ਆਪਣੇ ਪਤੀ ਦਾ ਕਤਲ ਕਰ ਸਕੇ।
ਪਤਨੀ ਨੇ ਪਤੀ ਨੂੰ ਕੌਫੀ ਵਿੱਚ ਦਿੱਤਾ ਜ਼ਹਿਰ; ਐਕਸਟਰਾ ਅਫੇਅਰ ਦਾ ਖੁਲਾਸਾ ਹੋਣ ਤੋਂ ਬਾਅਦ ਜਾਨ ਲੈਣ ਦੀ ਪਲਾਨਿੰਗ ਕੀਤੀ, 2 ਸਾਲ ਪਹਿਲਾਂ ਹੀ ਹੋਇਆ ਸੀ ਵਿਆਹ
ਅਤੁਲ ਦੇ ਬੀਮੇ ਦੇ 20 ਲੱਖ ਰੁਪਏ ਵੀ ਲੈਣੇ ਸਨ ਮੇਰਠ ਦੇ SSP ਨੇ ਦੱਸਿਆ ਕਿ ਮ੍ਰਿਤਕ ਅਤੁਲ ਦਾ 20 ਲੱਖ ਦਾ ਬੀਮਾ ਸੀ। ਇਸੇ ਪੈਸੇ ਨੂੰ ਲੈ ਕੇ ਦੋਵਾਂ ਨੇ ਮਿਲ ਕੇ ਇਹ ਪਲਾਨ ਬਣਾਇਆ ਕਿ ਦਾਮਿਨੀ ਆਪਣੇ ਪਤੀ ਨੂੰ ਮਰਵਾ ਦੇਵੇਗੀ ਅਤੇ ਡਰਾਈਵਰ ਤੁਸ਼ਾਰ ਆਪਣੀ ਪਤਨੀ ਤੋਂ ਤਲਾਕ ਲੈ ਲਵੇਗਾ। ਇਸ ਤੋਂ ਬਾਅਦ ਪੈਸਿਆਂ ਨੂੰ ਲੈ ਕੇ ਇਹ ਦੋਵੇਂ ਵਿਆਹ ਕਰਕੇ ਇੱਕਠੇ ਰਹਿਣਗੇ। ਇਸ ਤੋਂ ਪਹਿਲਾਂ ਇੱਕ ਵਾਰ ਦਾਮਿਨੀ ਦੇ ਪ੍ਰੇਮੀ ਮੁਲਜ਼ਮ ਤੁਸ਼ਾਰ ਵੱਲੋਂ ਅਤੁਲ ਦੀ ਗੱਡੀ ਵਿੱਚ ਟੱਕਰ ਵੀ ਮਾਰੀ ਗਈ ਸੀ। ਜਿਸ ਤੋਂ ਬਾਅਦ ਅਤੁਲ ਨੇ ਦਾਮਿਨੀ ਨੂੰ ਕਿਹਾ ਸੀ ਕਿ ਤੁਸ਼ਾਰ ਖ਼ਿਲਾਫ਼ ਪੁਲਿਸ ਕਾਰਵਾਈ ਕਰਵਾਈ ਜਾਵੇ ਪਰ ਦਾਮਿਨੀ ਨੇ ਅਜਿਹਾ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਸੀ ਅਤੇ ਮਾਮਲਾ ਟਾਲ-ਮਟੋਲ ਕਰ ਦਿੱਤਾ ਸੀ।
ਹਰਿਆਣਾ ਵਿੱਚ ਪਤਨੀ ਨੇ ਬੁਆਏਫ੍ਰੈਂਡ ਸੰਗ ਮਿਲ ਕੇ ਪਤੀ ਨੂੰ ਮਾਰ ਦਿੱਤਾ; ਲਾਸ਼ ਨੂੰ ਬਾਈਕ 'ਤੇ ਰੱਖ ਕੇ ਘੁੰਮੀ, ਨਾਲੇ 'ਚ ਸੁੱਟ ਕੇ ਆਈ, CCTV 'ਚ ਦਿਖੀ
ਪੁਲਿਸ ਨੂੰ ਕਿਵੇਂ ਹੋਇਆ ਸ਼ੱਕ? ਮੇਰਠ ਦੇ SSP ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਹਸਤੀਨਾਪੁਰ ਥਾਣੇ ਨੂੰ ਸੂਚਨਾ ਮਿਲੀ ਸੀ ਕਿ ਅਤੁਲ ਪੰਵਾਰ ਨਾਮ ਦੇ ਇੱਕ ਵਿਅਕਤ ਦੀ ਸ਼ੱਕੀ ਹਾਲਾਤ ਵਿੱਚ ਮੌਤ ਹੋ ਗਈ ਹੈ ਅਤੇ ਉਨ੍ਹਾਂ ਦੇ ਬਿਸਤਰ ਤੋਂ ਇੱਕ ਸੱਪ ਮਿਲਿਆ ਹੈ। ਇਸ ਤੋਂ ਬਾਅਦ ਤੁਰੰਤ ਪੁਲਿਸ ਟੀਮ ਮੌਕੇ 'ਤੇ ਪਹੁੰਚੀ ਤਾਂ ਪਰਿਵਾਰ ਵਾਲਿਆਂ ਅਤੇ ਪਤਨੀ ਵੱਲੋਂ ਦੱਸਿਆ ਕਿ ਸੱਪ ਦੇ ਡੱਸਣ ਨਾਲ ਮੌਤ ਹੋਈ ਹੈ ਅਤੇ ਅਤੁਲ ਨੂੰ ਹਸਪਤਾਲ ਵੀ ਲੈ ਜਾਇਆ ਗਿਆ ਸੀ। ਪਰ ਜਾਂਚ ਦੌਰਾਨ ਮੌਤ ਦੀ ਸਥਿਤੀ 'ਤੇ ਕੁਝ ਚੀਜ਼ਾਂ ਮੇਲ ਨਹੀਂ ਖਾਧੀਆਂ। ਇਸ ਤੋਂ ਬਾਅਦ ਤਕਨੀਕੀ ਤੌਰ 'ਤੇ ਜਾਂਚ ਕੀਤੀ ਗਈ ਤਾਂ ਪਤਾ ਚੱਲਿਆ ਕਿ ਅਤੁਲ ਦੀ ਪਤਨੀ ਦਾਮਿਨੀ ਦਾ ਆਪਣੇ ਸਕੂਲ ਦੇ ਇੱਕ ਡਰਾਈਵਰ ਤੁਸ਼ਾਰ ਨਾਲ ਅਫੇਅਰ ਚੱਲ ਰਿਹਾ ਸੀ। ਜਿਸ ਤੋਂ ਬਾਅਦ ਮਾਮਲੇ ਦੀ ਕੜੀ ਖੁੱਲ੍ਹਦੀ ਚਲੀ ਗਈ।
